انا جيلكم اقولكم على ازاى البطاطس الشبسي الصح مقرمشه ورقيقه وباطعمه مختلفه انا لقيت ناس كتير اوى هنا بيقولوا طرق للبطاطس المقليه الصوابع والشيبسي علشان تطلع زى بره ومقرمشه انا هقلكم انا جارتى الله يمسيها بالخير ست بيت درجه اولى علمتنى البطاطس الشيبسي ولا سلق ولا يحزنون كل اللى فالموضوع انك هتقطعى البطاطس حلقات رفيعه اوى وتغسليها وترشي عليها شويه ملح ولو كنتى هتعمليها بطعم الفراخ بلاش الملح خالص وهقلك ليه بس وهتقليها وطبعا هتقولى منا بعمل كده وبتطلع طريه ايه الجديد الجديد انك تحطى زيت غزير عادى معروف لا الجديد بجد انك تحطيها والزيت بارد اه بارد والله بارد مش هتشرب الزيت ولا حاجه وتوطى النار خالص عالاخر ووتنسيها وتبقى حطه كميه منسبه للطاسه علشان هنضيف شويه زيت تانى فتانى رصه لتبريد الزيتو متبقاش وحدات البطاطس فوق بعض وممكن بطرف سكينه تبعدى اللى فوق بعض من على بعض بس وهتاخد شويه وقت بس هتدعيلي لانها هتطلع مقرمشه 100% والله اهم حاجه تطلعيها لما تصفر متستنيش لما تنشف جوا الزيت اوى لانها هتطلع تبقى سنه مقرمشه وهتقرمش اكتر لما تطلع نيجى بقى للطعم انا لما بعملها بالكارى بضيف الكارى بعد مبتطلع على طول وهيا بتغلى وبطعم الدجاج بمرقه الدجاج الفوريه وارش رشه خفيفه لان فيها ملح وبتدى الطعم وبطعم اللحمه مرقه اللحمه زى الفراخ بالظبط تمام لحد كده نجى بقى للصوابع عوزه تعملى بطاطس فارم فريتس فبيتك يبقى لا تسلقى ولا تتعبى نفسك كل اللى هتعمليه انك هتجيبى مثلا كيلو بطاطس وتقطعيه صوابع وسط وتقليها نصف قليه يعنى لما تحسي انها دخله عالسوا تطفى النار وتطلعيها على ورق يمتص الزيت وطبعا هتنزل كميه زيت لا باس بها
واول متبرد تحطيها براحه فاكياس او كيس واحد انتى ورحتك وعلى الفريزر تجمد ومنين تحبى تكلى بطاطس تطلعى وهتقلى وهتدعيلي وانتى بتكليها لانى بامانه جربت حكايه سلقها وفميه وخل وملح وطلعت وحشه جداوالله بس جربوا وهتدعولى وعلى فكره انا استاذه فاكل التيك واى وههريكوا وصفات من دى
اسيبكوا تجربوا واوعوا تنسوا دعوه حلوه بانى اخاوى ابنى واللى تبوظ منها متدعيش عليا بس اضمنلكوا لو عملتوا زى مبقول هتطلع زى اللى بره بالظبط[b]
الإثنين 12 مارس 2012, 10:29 am
اليومية
